Ad Dagbladets sak "Sannheten om Jarle Trås redningsaksjon"

Innsendt av Nils Petter Rabbe

Eg er på jobb om dagen og får med meg det meste som foregår på nettet. Eg las meg ganske irritert på artikkelen "Sannheten om Jarle Traas redningsaksjon" i Magasinet til Dagbladet. Jon Gangdal får nok ein gong glorifisera seg sjølv ved å sette sin eigen medmenneskelighet, klokskap og overlegenhet opp mot Jarle's dumdristighet og egoisme. No har Magasinet i tillegg fått ein sherpa til DELVIS å støtte opp om hans syn på saken. Sherpaene gjer sjølvsagt ein fantastisk jobb, men dei er jammen gold-diggers og ser sitt snitt til å utnytte situasjonen ved å bevisst ta på seg eit vanskeleg og forholdsvis farefullt oppdrag mot god betaling.

Det blir stadig gjentatt at Jarle Traa har hatt muligheten til å komme med innspel til saken. Det blir nevnt at han har måtte amputere, men det kjem likevel ikkje fram at Jarle har vore underlagt medisinsk behandling på sjukehus meir eller mindre heile tida etter at han blei frakta ned av fjellet og at han antakeleg har meir enn nok med seg sjølv i forbindelse med amputering.
Heile artikkelen er eit overtramp mot ein person som ligg nede, og når ein les forumet tilknytta artikkelen så ser ein kva denne typen journalistikk genererer. Jarle blir sjikanert eller rett og slett sparka, slått, spytta på og voldtatt i det forumet. Det er heilt sjokkerande at mykje av det som er lagt inn der blir godkjent av sensuren til Dagbladet. Eg har lest heile forumet no og på 75 innlegg er det bortimot null backup til Jarle. Alt han står for og alt han har gjort er feil. Denne massive forakten for personen Jarle Traa ser eg på som eit resultat av vinklinga av saken i Magasinets artikkel. Alt som er gjort feil blir framheva, alle tenkelege ting ein Mount Everest klatrar kan gjera feil og som ikkje er tilbakevist blir omtalt som at det sannsynlegvis er gjort feil. Alt som etter journalisten sine normer ansees for å vera uansvarleg blir konstatert å vera uansvarleg. Ein omtalar ein ekspedisjon som uansvarleg uavhengig av førebuingane og forutsetningane til denne klatraren i forhold til ein "gjennomsnittleg" himalaya klatrar. I artikkelen blir positive/fornuftige handlingar fullstendig ignorert.

Poenget er i alle fall at holdningar som Dagbladet og dets forum gjenspeiler, er eit bombeangrep på kulturen til alle som driv med ein eller annan form for "ekstremsport", og eg håpar at nokon med integritet og journalistisk tyngde blir synlege og talar vår sak i denne debatten. Eg håpar jo også at sponsorane til Jarle kjem på banen og backar opp utøvaren sin.
Eg har aldri møtt Jarle Traa sjølv, men eg syns det blir for ille at ein av friluftsfamiliens beste representantar blir behandla på denne måten.